Монгол Улсын Засгийн газрын “Монголд зочлох жил 2023-2025”, Төв аймгийн “Аялал жуулчлалын стратеги төлөвлөгөөний зорилт 2.4 “Эвент менежментийг хөгжүүлэн жуулчид амрагчдын урсгалыг татах”, сумын аялал жуулчлалын төлөвлөгөөний зорилт 3-3.1 дэх заалтуудыг хэрэгжүүлэх ажлын хүрээнд нүүдэлчдийн соёл, ахуй, зан заншлыг жуулчдад сурталчлан таниулах, нутгийн иргэдэд түшиглэсэн аялал жуулчлалыг тогтвортой хөгжүүлэх зорилгоор “МОНГОЛ НААДАМ-ӨВ СОЁЛ” аялал жуулчлалын олон төрөлт эвент арга хэмжээг 2024 оны 08 дугаар сарын 04-ний өдөр зохион байгуулж нийт 200 гаруй гадаадын жуулчид ирж сонирхлоо. Уг эвент арга хэмжээнд Үндэсний бөхийн барилдаан, хурдан морьдын уралдаан, үндэсний сур, шагайн харваа, хос морьтон, адуучин тэмцээн, хуруу дэмбээ, үндэсний гар урлал, цагаан идээний үзэсгэлэн худалдаа зэрэг арга хэмжээнүүд зохион байгуулагдлаа.